Министерството за јавна администрација и Мисијата на ОБСЕ го претставија новиот систем за вработување заснован на заслуги, интегритет и компетентност, Правилникот за работни компетенции на административните службеници и Водичот за интегритет, мерит и компетентност-базирано вработување.
Според министерот Горан Минчев, овие механизми треба да им помогнат на институциите да спроведуваат објективни, фер и транспарентни постапки за вработување, со фокус на реалните компетенции на кандидатите и на интегритетот како суштинска вредност во јавниот сектор.
-Реформата на системот за вработување во јавниот сектор заснован на заслуги, интегритет и компетенции претставува инвестиција во попрофесионални институции, поголем интегритет, посилна превенција на корупцијата и подобри јавни услуги за граѓаните – истакна шефот на Мисијата на ОБСЕ во Скопје, Килиан Вал.
The post Одговорна и ефикасна јавна администрација преку мерит-систем appeared first on Прва Скопска ТВ.
