Делницата од Извор до Врбјани на автопатот Кичево–Охрид се очекува да биде пуштена во сообраќај на Денот на независноста – 8 Септември, соопшти премиерот Христијан Мицкоски на брифинг со новинарите.
Според владините проекции, целиот автопат Кичево–Охрид треба да биде целосно завршен и ставен во употреба во првиот квартал од 2027 година.
За довршување на проектот се обезбедени 175 милиони евра преку заем од домашни банки. Мицкоски истакна дека финансиската конструкција е целосно затворена, што овозможува непречено продолжување на градежните работи на терен.
Премиерот најави дека паралелно ќе се реализираат активности и на автопатот Скопје–Блаце, како и на делниците од Коридорот 8.
Според најавите, во втората половина од годината ќе се работи на вкупно шест автопатски решенија низ државата, со што се очекува дополнително забрзување на инфраструктурниот развој и подобрување на патната поврзаност.
The post Делница од автопатот Кичево – Охрид ќе се пушти на 8 септември appeared first on Скопско ЕХО.
