Пожар избувнал ноќеска во објект во изградба во кругот на поранешната фабрика „Тетекс“ во Тетово, информира Министерството за внатрешни работи.Случајот бил пријавен во СВР Тетово околу 1:40 часот, а според првичните информации, биле зафатени даски во објектот.На местото интервенирала екипа на Територијалната противпожарна единица Тетово, која го локализирала и изгаснала пожарот.Во инцидентот нема повредени лица, а увид на местото извршила екипа од СВР Тетово.