Претседателот на Србија, Александар Вучиќ, говорејќи за своите политички противници и за претстојните избори, изјави дека во текот на својата политичка кариера секогаш бил насочен кон поставените цели, а не кон ривалите.„Секогаш ги гледав целите пред себе, високо поставената летвичка и што е тоа што мораме да го направиме. Не се занимавав со своите противници, кои секогаш сум ги почитувал. Не морав да бидам воодушевен од нивната програма и план, некогаш и не постоеше, некогаш постоеше“, изјави Вучиќ.Тој додаде дека во секој момент се обидувал да остане фокусиран на задачите што стојат пред него и неговиот политички тим.„Секогаш се обидував да се концентрирам на она што е наша задача и верувам дека луѓето го препознаа тоа“, рече српскиот претседател.Осврнувајќи се на изборните резултати што ги постигнал во изминатите години, Вучиќ нагласи дека ретко кој политичар успева двапати да победи во првиот круг со толку висока поддршка од гласачите.„Малку кому ќе му појде од рака да победува двапати со речиси 60 отсто од важечките гласови во првиот круг“, изјави Вучиќ.