Српскиот претседател Александар Вучиќ, кој престојува во Тиват по повод учеството на самитот на Европската политичка заедница, одговараше на прашања на новинарите за депортираните бунтовници. Вучиќ по тој повод изјави дека меѓу нив „нема ниту еден криминалец и дека тие дошле за да му создадат опкружување“, пишува „Нова.рс“.

„Денес би истапил сосема поинаку и би рекол: ‘Им се извинувам на нашите домаќини’. Немаа оружје, ништо грдо, ништо навредливо… Можеше кој било да ме покани. Тие дојдоа тука за да ми создадат опкружување, а никој не ме ни праша. Таму нема ниту еден криминалец. Тоа е помалку од просекот во кој било воз, автобус или авион“, изјави Вучиќ.

Тој додаде дека од 84 лица, петмина поминале низ „некаква кривична постапка“.

„Нема ни збор за дестабилизација. Тоа се сè активисти. Би дошол и би се извинил за непријатноста, но тие момци никому ништо лошо не му направија. Би ја платил политичката цена за погрешната проценка на некој од моето опкружување. Зошто не ги уапсија ако направиле нешто криминално? Ќе ги задржевте ако имаа боксер кај себе. Покрената е брутална кампања за Србија да се прикаже како дестабилизирачки фактор“, истакна тој.
Наводи за планирање атентат

На прашањето како ги коментира наводите дека клановите предводени од Радоје Звицер планирале негово убиство, Вучиќ одговори дека тоа не е ништо ново.

„Имавте и во записите на ‘Скај ЕЦЦ’ дека тоа го барале и претходно, станува збор за водачи на кланови, тоа не се големи новости. Кога постојат непотребни политички тензии меѓу Подгорица и Белград, моравме сите да бидеме повнимателни, но кога ќе почнат обвинувањата, нема крај. Тоа дека криминалците ќе си ја работат својата работа, тука нема филозофија“, наведе Вучиќ.

„Не можат сите да бидат академици, некој мора и со тоа да се занимава. Не е баш дозволено, но мора да сметате на тоа дека го има во секоја земја“, додаде тој.
За безбедносните ризици

Вучиќ изјави дека во Тиват отпатувал и покрај предупредувањето на БИА (Безбедносно-информативна агенција на Србија) за постоење на безбедносен ризик.

„Се чувствувам секогаш безбедно и безгрижно. Имам многу професионално обезбедување, тоа се припадниците на ‘Кобри’, и верувам кое дека тие соработувале со домаќините за сите други прашања, така што не верувам дека може да има какви било проблеми“, рече тој.

„Се борев, како што знаете, во Кина, се занимавав со сите можни работи и не би ми паднало на памет да организирам нешто слично. А што се однесува до тоа да им откриеме на луѓето за што станува збор, ве разбирам и вас и некои други кои се обидоа да злоупотребат нешто што со тоа немаше врска и да го претстават како нешто сосема поинакво. Значи, некој од моите соработници сакаше да покаже дека сме во состојба да се бориме, бидејќи знаеја дека ќе се закачуваат транспаренти и ќе се испишуваат графити, па и тие да закачат некој убав транспарент. Како што видовте, тие немаа оружје, ништо грдо, ништо навредливо против никого, не им најдоа ниту палка, ниту боксер, ниту пак нешто друго“, изјави претседателот Вучиќ.