Американски претседател Доналд Трамп ги затвори очите неколку пати за време на погребот на републиканскиот сенатор Линдзи Греам во Вашингтон, што доведе до тврдења на социјалните мрежи дека задремал.
Снимките од Националната катедрала го покажуваат 80-годишниот Трамп како седи во првиот ред, повремено спуштајќи ја главата и држејќи ги очите затворени подолги периоди. Не е можно со сигурност да се утврди дали спиел, но сликите предизвикаа бројни реакции на социјалните мрежи.
Trump Appears Completely Passed Out at Lindsey Graham’s Funeral
The president kept his eyes shut for an extended stretch as the service continued around him.
This did not look like a quick blink or moment of reflection, he appeared fully asleep. pic.twitter.com/oAfjjSaHqd
— Brian Allen (@allenanalysis) July 28, 2026
„Да, луѓе, ова е човекот кој ги држи кодовите за нуклеарно оружје. Размислете“, напиша еден корисник на X.
Други потсетија дека Трамп со години го нарекувал својот претходник Џо Бајден „Поспан Џо“ и го обвинувал дека заспива додека ги извршувал претседателските должности.
„Да беше Бајден заспан на погребот на пријател, ќе слушавме за тоа за десет години“, напиша еден корисник. Некои коментатори застанаа во одбрана на Трамп, велејќи дека „прилично е лесно да се заспие во црква“.
Белата куќа ги отфрли тврдењата дека Трамп спиел.
„Претседателот Трамп размислуваше за губењето на својот драг пријател Линдзи Греам, на кого штотуку му одржа прекрасен говор. Секој што вели поинаку е перверзен идиот“, изјави портпаролот на Белата куќа, Дејвис Ингл, за „Индипендент“.
Trump can barely keep his eyes open
Is this your president ? pic.twitter.com/DPXprdebr1— Atheistboi (@athiestboi) July 29, 2026
Трамп одржа говор на погребот на Греам, нарекувајќи го сакан пријател, истакнат државник, голем човек од американскиот Сенат и вистински американски оригинал.
Тој, исто така, призна дека Греам не е универзално сакан и се шегуваше за неговата силна поддршка за американските воени интервенции.
„Тој никогаш не видел војна што не му се допаѓа“, рече Трамп.
Греам почина на 11 јули на 71-годишна возраст по руптура на аортата поврзана со кардиоваскуларни заболувања. Тој беше еден од највлијателните републикански сенатори и силен застапник за американската воена поддршка за Украина и Израел.
На погребот присуствуваа бројни американски функционери и странски лидери, вклучувајќи го украинскиот претседател Володимир Зеленски и израелскиот премиер Бенјамин Нетанјаху.
Текстот ВИДЕО: Трамп заспа на погреб, Белата куќа го правда дека размислувал за губењето драг пријател е превземен од А1он.
