Уапсен Романец кој во државата сакал да влезе со возило барано од Интерпол во Шведска

Полицијата уапси државјанин на Романија, бидејќи на Табановце скал да влезе со автомобил баран од Интерпол од Шведска.

-На 25.07.2026 во 02:39 часот на Граничен премин Табановце, на влез во државата, полициски службеници го лишија од слобода Л.Ф.(42) од Романија. При пасошка контрола и гранични проверки било констатирано дека неговото патничко возило „волво“ со шведски национални ознаки, со кое допатувал, било предмет на меѓународна потрага распишана од Интерпол Стокхлом – Шведска, соопшти Министерството за внатрешни работи

Од полицијата велат дека лицето било предадено на полициски службеници од СВР Куманово за понатамошна постапка.

Н. На Табановце уапсени Србин и Германец, полицијата им нашла марихуана и фалсификувани евра

Граничната полиција на преминот Табановце уапсила државјанин на Германија и државјанин на Србија, бидејќи при ретрес на возилото кај нив нашла марихуана и фалсификувани евра.

Вчера во 17:58 часот на  Граничен премин Табановце, на влез во државата, полициски службеници ги лишија од слобода Х.Т.(24) од Германија и А.А.(27) од Србија. При пасошка конрола, гранични проверки и преглед во возилото хјундаи со германски национални ознаки, во кое биле сопатници, при преглед во личниот багаж на Х.Т. кај него биле пронајдени и одземени марихуана и 34 банкноти од 50 евра за кои постои сомнение дека се фалсификувани, соопшти Министерството за внатрешни работи.

Според полицијата кај лицето А.А. биле пронајдени и одземени марихуана и шест банкноти од 50 евра за кои постои сомнение дека се фалсификувани.

-Лицата биле предадени на полициски службеници од СВР Куманово и по целосно документирање на случајот против нив ќе биде поднесена соодветна пријава, велат од МВР.