Претседателот на Соединетите Американски Држави, Доналд Трамп, денес објави дека почнувајќи од 1 август, сите генерички лекови увезени во Соединетите Американски Држави во следните две години ќе бидат ослободени од царини, по што тие ќе бидат зголемени на 100 проценти за една година, а потоа на 200 проценти.
Трамп изјави на социјалната мрежа Truth Social дека целта на оваа мерка е да се врати производството на генерички лекови во Соединетите Американски Држави, а воедно да се санкционираат компаниите кои не градат производствени погони и не ја набавуваат потребната опрема во земјата во предвидениот рок.
Според него, целта на оваа политика е да се заштитат американските граѓани и да се зајакне домашното фармацевтско производство.
Трамп нагласи дека политиката во врска со патентирани, брендирани и иновативни лекови ќе остане непроменета.
Тој додаде дека капацитетите за фармацевтско производство низ Соединетите Американски Држави се градат „на ниво кое никогаш порано не е видено“.
Текстот Трамп најави драстично зголемување на царините е превземен од А1он.