Торонто вечерва повеќе личи на Сараево отколку на канадска метропола. Илјадници навивачи на Босна и Херцеговина ги преплавија улиците пред првиот настап на „змејовите“ на Светското првенство против домаќинот Канада.

Според проценките, во градот се собрале околу 30.000 босански навивачи, бројка што предизвикала загриженост и кај дел од организаторите на турнирот.

Градот е обоен во жолто и во сино

Знамиња, песни и навивачки колони се гледаат на секој чекор низ Торонто, додека босанските фанови создаваат атмосфера каква што ретко се гледа далеку од Балканот.

Со часови пред почетокот на натпреварот, центарот на градот беше преполн со навивачи кои ги бодрат своите миленици пред историскиот старт на Мундијалот.

 

 

 

Одекнуваше и „Палестина, Палестина“

Дел од навивачите на БиХ на собирите во Торонто испраќаа и пораки за поддршка на Палестина.

Низ улиците одекнуваа извици „Палестина, Палестина“, додека атмосферата стануваше сè пожешка пред дуелот со Канада.

За „змејовите“ ова е прв натпревар на Светското првенство, а ако се суди според навивачката поддршка, БиХ вечерва ќе се чувствува како да игра на домашен терен.

The post 📽️ ТОРОНТО ВО ЖОЛТО И СИНО КАКО САРАЕВО! „Змејовите“ добија армија од 30.000 навивачи во Канада appeared first on plusinfo.mk.