Студентите во блокада, кои извојуваа победа на вонредните парламентарни избори и освоија 140 пратенички мандати со „Студентската листа“, соопштија дека се подготвени за конститутивната седница на Собранието на Србија што е закажана за 17 ноември.
„Конститутивна седница на Народното собрание на 17 ноември. Подготвени сме“, кратко напишаа студентите на својот профил на социјалната мрежа Икс (X).
Претседателката на Собранието на Србија, Ана Брнабиќ, ја закажа конститутивната седница на новиот состав на собранието за вторник, 17 ноември, со почеток во 10 часот. Како што наведе, предложени се шест точки од дневниот ред – потврдување на мандатите, избор на претседател и потпретседатели, генерален секретар, работни тела и постојани делегации во меѓународните институции.
До изборот на претседател на Собранието, како што додаде, со конститутивната седница ќе претседава најстариот пратеник – професорот Стојан Раденовиќ од листата „Обединета Србија“, а седницата ќе започне со потврдување на мандатите на пратениците.