Во изминатото деноноќие во земјава биле регистрирани шест случаи на семејно насилство, а полициските службеници лишиле од слобода три лица осомничени за дел од инцидентите.Во Струмица бил приведен 44-годишниот Б.М., откако според пријавата физички ја нападнал својата 30-годишна сопруга во семејниот дом. За случајот е известен јавен обвинител.Во Скопје, 29-годишна жена од Гази Баба пријавила дека била физички нападната од нејзиниот сопруг, додека 28-годишна жена од општина Аеродром пријавила дека сопругот ѝ упатувал закани.Во Тетово, 40-годишна жена пријавила дека нејзиниот поранешен вонбрачен партнер по прекинот на врската постојано ја следел, ја вознемирувал телефонски од различни броеви и ѝ упатувал закани кон неа и нејзиното семејство.Полицијата интервенирала и во тетовското село Корито, каде 61-годишен маж пријавил дека бил физички нападнат од својот син, кој му се заканувал со остар предмет и му го скршил мобилниот телефон. Осомничениот бил пронајден и лишен од слобода.Во Битола, пак, бил приведен 40-годишниот Д.Ј., по пријава дека физички ја нападнал својата 34-годишна вонбрачна партнерка.Од МВР информираат дека се преземаат мерки за целосно расчистување на сите случаи, по што против сторителите ќе бидат поднесени соодветни пријави.