Шест лица се во притвор и се очекува наскоро да бидат обвинети за осуетениот напад врз синагога во париското предградие Сарсел.
Францускиот обвинител за антитероризам потврди денес дека нападот бил планиран за почетокот на овој месец, објави Ројтерс.
Осомничените, чии идентитети не се објавени, беа уапсени откако околу 300 луѓе беа евакуирани од Сарсел на 12 јули. Евакуацијата беше спроведена бидејќи беше откриено сомнително возило во близина на синагогата.
Обвинителството тврди дека планираниот напад е поврзан со исламски екстремизам.
