Во текот на изминатото деноноќие, полициските службеници на територијата на целата држава лишиле од слобода седум возачи поради безобѕирно управување со моторни возила, информира Министерството за внатрешни работи.Според МВР, шестмина од приведените управувале возила без да поседуваат возачка дозвола, при што меѓу нив имало и малолетно лице. Четири случаи биле регистрирани во Скопје, а по еден во Крива Паланка и Прилеп, каде што било затекнато малолетно лице зад воланот.Дополнително, во Скопје бил лишен од слобода и возач кој управувал возило и покрај тоа што имал активна забрана за управување.По целосното документирање на случаите, против сите лица ќе бидат поднесени соодветни кривични пријави.Од МВР повторно апелираат до граѓаните да ги почитуваат сообраќајните правила и прописи, да не седнуваат зад волан без положен возачки испит, доколку имаат изречена забрана за управување или доколку се под дејство на алкохол, со цел заеднички да се придонесе кон поголема безбедност во сообраќајот.