Советникот од Левица во Советот на Општина Карпош, Дарко Ристовски денеска порача дека на Карпош му е потребен итен политички ресет, бидејќи граѓаните не гласаа за управување во сенка.
-Целиот процес на пренесување на ингеренциите беше спроведен крајно нетранспарентно и несериознo, сведен на еден лист хартија во А4 формат, со кој градоначалникот Лукровски, кој очигледно бил незадоволен од новата позиција и имал сериозни потешкотии да се снајде во функцијата што ја презеде, овластува лице од Советот да ја води општината во негово отсуство.
Јавна тајна е дека ВМРО-ДПМНЕ потроши огромни ресурси и политичка енергија за конечно да освои власт во Карпош, но резултатот од тој политички инженеринг е хаос, неизвесност и целосна парализа на општинските служби. бидејќи реално оваа партија никогаш претходно немала победено во општината со свој кандидат за градоначалник, рече, меѓу другото, Ристовски во разговор за „Локално“.