Две лица од струмичкото село Баница биле лишени од слобода откако агресивно се однесувале кон вработени во Општина Струмица и полициски службеници кои извршувале службени задачи.
Како што информираа од СВР Струмица, на 2 јуни во 13:00 часот, полициски службеници ги лишиле од слобода Т.Ј.(45) и В.Ј.(39), двајцата од село Баница.
Според пријавеното, на улицата „Братство и единство“ во Струмица тие, заедно со уште две малолетни лица од Баница, агресивно се однесувале кон вработени во Општина Струмица и полициски службеници од СВР Струмица кои извршувале службени задачи.
Двете лица биле задржани во Полициската станица Струмица, додека со малолетниците биле извршени службени разговори во присуство на нивните родители.
За случајот бил известен јавен обвинител од Основното јавно обвинителство Струмица, а по целосното документирање на настанот ќе бидат поднесени соодветни поднесоци.
The post Приведени две лица поради агресивно однесување кон општински службеници и полицајци во Струмица appeared first on Radio StrumicaNet.