Македонската музичка сцена остана без еден од своите најпрепознатливи изведувачи на народната песна. На 86-годишна возраст во Охрид почина Наум Бурназ, пејач кој со децении беше посветен на негувањето и афирмацијата на македонскиот фолклор.
Бурназ зад себе остави богата музичка кариера и бројни антологиски интерпретации кои остануваат дел од македонското музичко наследство. Со својот препознатлив вокал и автентичен пристап кон изворната народна песна, тој стекна почит кај повеќе генерации љубители на македонската музика.
Во текот на својот живот активно работеше на зачувување и промоција на македонскиот фолклор, настапувајќи низ земјата и пред македонската дијаспора ширум светот.
Веста за неговата смрт предизвика бројни реакции од колеги, музичари и почитувачи, кои се простуваат од охридскиот музички доајен, истакнувајќи дека Македонија загуби исклучителен уметник чие дело ќе продолжи да живее преку неговите песни.
Текстот Почина доајенот на македонската народна песна Наум Бурназ е превземен од А1он.
