OpenAI почна да го воведува„Lockdown Mode“ (Режим на заклучување). Станува збор за изборна безбедносна поставка дизајнирана да им понуди на корисниците напредна заштита од напади со вметнување инструкции (prompt injection). За оние кои не се запознаени, вметнувањето инструкции е облик на социјален инженеринг кој е специфичен за конверзациските четботови.
Режимот на заклучување е еден вид последна линија на одбрана од ваквите напади, која се надградува на робусната заштита што ChatGPT веќе ја нуди. Системот за заклучување не е наменет за секого и е дизајниран за луѓе и организации кои ракуваат со чувствителни податоци и сакаат построга заштита од ризици и од кражба на податоци поврзани со вметнувањето инструкции, пренесува ПЦПрес.
Режимот на заклучување ограничува дел од функциите што OpenAI ги нуди преку ChatGPT и неговите други производи. И понатаму е можно да се користи генерирањето слики и да се прикачуваат фотографии во ChatGPT. Меѓутоа, четботот не може да презема датотеки за анализа, иако сè уште можете рачно да прикачувате документи доколку го сакате неговиот увид. Другите функции, како што се деталното истражување (Deep Research) и режимот на агенти (Agent Mode), се целосно оневозможени.
OpenAI воведува и активен менаџер на сесии, кој им овозможува на корисниците да ги видат сите уреди или прелистувачи што биле користени за пристап до нивниот профил. Освен тоа, компанијата нуди можност за одјавување од поединечни или од сите сесии одеднаш.