Научната фантастика со децении ја воодушевува публиката со приказни за иднината, вселенски авантури и технолошки откритија, а некои од филмовите од овој жанр успеаја да станат и едни од најпрофитабилните остварувања во историјата на кинематографијата.Според изборот на критичарите на „Колидер“, осум научнофантастични филмови успеале да ја надминат границата од една милијарда долари заработка на светскиот бокс офис.На листата се најдоа „Спајдермен: Нема враќање дома“, „Авенџерс: Ендгејм“, „Војна на ѕвездите: Силата се буди“, „Аватар: Патот на водата“, „Авенџерс: Војна на бесконечноста“, „Роуг Ван: Приказна од Војна на ѕвездите“, оригиналниот „Аватар“ и култниот „Џурасик Парк“.Најголема заработка меѓу нив оствари „Аватар“ на Џејмс Камерон, кој со речиси три милијарди долари и натаму е меѓу најуспешните филмови на сите времиња. Веднаш зад него е „Авенџерс: Ендгејм“ со околу 2,8 милијарди долари, додека „Аватар: Патот на водата“ инкасираше повеќе од 2,3 милијарди долари.На листата се најдоа и остварувања што оставија силен белег врз филмската индустрија, како „Војна на ѕвездите: Силата се буди“, кој заработи над две милијарди долари, како и „Џурасик Парк“ на Стивен Спилберг, кој благодарение на повторните прикажувања ја надмина границата од 1,1 милијарда долари.Овие филмови не само што постигнаа огромен комерцијален успех, туку и го променија начинот на кој публиката ги доживува визуелните ефекти, акцијата и приказните сместени во светови надвор од нашата реалност.