Во петокот и денес наутро, романски борбени авиони соборија два дрона што го нарушија воздушниот простор на оваа членка на НАТО.
Утрово романскиот радар откри уште еден неовластен упад од дрон што дејствуваше во близина на украинската граница и два романски авиони Ф-16 го соборија во ненаселена област во близина на границата, соопшти романското Министерство за одбрана. Романија веќе собори уште еден дрон во петокот, пишува Политико.
Романската министерка за надворешни работи Оана Тоју изјави дека дронот соборен во петокот беше дрон од типот Шахед, истиот што Русија го лансира, ноќ по ноќ, против Украина.
-Два упада за 48 часа не се случајност, туку шема, а нашиот одговор на тој шема е конзистентност: откривање, пресретнување, заштита на нашите граѓани, целосна транспарентност со нашите сојузници, рече Тоју.
Таа рече дека границите на Романија не се предмет на преговори и дека земјата ќе ги сподели наодите од обете истраги со своите сојузници и партнери од ЕУ.
Во објава на социјалните мрежи, претседателот на Европскиот совет, Антонио Коста, ги пофали романските власти за нивниот брз и ефикасен одговор.