Врховниот лидер на Иран, ајатолахот Моџтаба Хамнеи, одобри ублажување на смртните казни на 139 затвореници, по препорака на шефот на судството, Голам Хосеин Мохсени-Еџеи.
Портпаролот на судството, Али Асгар Џахангир, изјави дека одлуката е донесена „од хуманитарни причини и во согласност со исламските принципи на милост“, објави порталот „Прес ТВ“.
Според него, помилувањето не ги опфаќа лицата осудени за дела против националната безбедност, учество во немири и саботажи, како и лицата осудени за вооружен бунт, организирана трговија со дрога, вооружен грабеж, шверц со оружје, киднапирање, поткуп и проневера.
Џахангир истакна дека одлуката е донесена во време кога многу земји не даваат амнестија за време на војни и кризи.
Според иранскиот Устав, Врховниот лидер има овластување да помилува или да ги ублажи казните на осудените лица по препорака на шефот на судството.
Текстот Моџтаба Хамнеи помилува 139 затвореници осудени на смрт е превземен од А1он.