Премиерот Христијан Мицкоски од Тиват изјави дека процесот на проширување на Европската Унија останува жив и дека Македонија треба да продолжи со реформите, но без да го загрози националното достоинство.Говорејќи по билатералната средба со германскиот канцелар Фридрих Мерц во рамки на Самитот ЕУ – Западен Балкан во Тиват, Мицкоски рече дека разговорите биле конструктивни и дека Македонија го пренела својот став за актуелните европски прашања.„Наша задача како Влада е да го зачуваме процесот на проширување, да напредуваме, но истовремено да не го изгубиме достоинството, како што тоа беше случај во минатото“, изјави Мицкоски.Тој нагласи дека е исклучително задоволен и од разговорите што ги имал со францускиот претседател Емануел Макрон и со претседателката на Европската комисија Урсула фон дер Лајен.Според премиерот, Македонија треба да остане земја која испорачува реформи и е фокусирана на европската интеграција, а воедно да ги брани своите национални позиции.„Процесот на проширување е жив и добро е што лидерите на земјите членки на Европската Унија денес ја испратија таа порака“, порача Мицкоски.