Меѓународната агенција за атомска енергија (МААЕ) денес соопшти дека нејзиниот тим експерти го прегледал местото на нападот со беспилотни летала што се случи утрово врз централниот складишен објект за потрошено гориво во близина на местото на нефункционалната нуклеарна централа Чернобил во Украина и дека утврдил дека нападот предизвикал значителна штета на дел од зградата за прием на гориво, но дека не се регистрирани зголемени нивоа на зрачење.
Во соопштението, објавено на платформата X, МААЕ изјави дека „тимот експерти забележал оштетување на фасадата, ѕидовите и скалите на зградата, со парчиња скршено стакло, скршени тули и други остатоци расфрлани на земја“, но дека „нивоата на зрачење во објектот останале нормални, што укажува дека инцидентот не предизвикал никаква радиоактивна контаминација“.
„Тие исто така беа информирани дека потрошеното гориво било складирано во буриња на неколку стотици метри од оштетената зграда во времето на нападот, додека другите поблиску биле празни. Останува нејасно кога објектот повторно ќе може да почне да прима потрошено гориво од оперативните нуклеарни централи на Украина“, се вели во соопштението.