Високата претставничка на ЕУ, Каја Калас, во Брисел изјави дека перспективите за напредок на Македонија, БиХ, Косово и Србија на европскиот пат се нееднакви.
На прес-конференцијата, по повод презентацијата на годишниот пакет за проширување на Европската комисија за 2026 година, Калас истакна дека проширувањето на ЕУ е едно од најважните средства за зајакнување на европската безбедност, политичката стабилност и геополитичкото влијание.
Претставувајќи ги клучните заклучоци од извештајот, кој ги вклучува десетте земји вклучени во процесот на проширување, Калас рече: „За Босна и Херцеговина, Косово, Северна Македонија и Србија, перспективите се нееднакви“.
Таа нагласи дека за прв пат Европската комисија презентираше патокази за пристапни преговори со Црна Гора, Албанија, Молдавија и Украина, кои во моментов го водат процесот на приближување кон членство.
„Денешниот извештај испраќа јасна порака: реформите носат резултати. Членството се приближува до земјите што ги исполнуваат своите обврски. За прв пат презентираме мапи за пристапни преговори со Црна Гора, Албанија, Молдавија и Украина“, истакна таа.
Според неа, Црна Гора е најблиску до завршување на процесот на пристапување, со јасен пат кон потпишување на договорот за пристапување до следното лето.