Ја убедиле да го продале бебето за 500 евра шестмина осомничени за трговија со дете, откриена шокантна шема

Шест лица од Скопје, Куманово и Тетово се опфатени во кривична пријава за организирано незаконско посвојување новородено бебе, при што, според МВР, бил користен систем на посредување, финансиски надомест и злоупотреба на социјална состојба на мајката. The post ЈА УБЕДИЛЕ ДА ГО ПРОДАЛЕ БЕБЕТО ЗА 500 ЕВРА Шестмина осомничени за трговија со дете, откриена шокантна шема appeared first on plusinfo.mk.

Шест лица се опфатени во кривична пријава за организирање и реализирање на незаконско посвојување на новородено дете, откако Националната единица за сузбивање на криумчарење мигранти и трговија со луѓе при МВР открила шема во која бебе било предадено надвор од законска процедура, за паричен надомест и други бенефиции.

Во случајот се опфатени Ф.А. (63) од Скопје, Ѓ.К. (57) од Скопје, И.Ш. (35) од Скопје, Џ.Ш. (35) од Скопје, како и С.Ј. (35) од Куманово и И.А. (38) од Тетово.

Според истрагата, во текот на 2024 и 2025 година, првоосомничените Ф.А. (63) и Ѓ.К. (57) ја организирале шемата за незаконско посвојување, искористувајќи социјално ранливи семејства и заобиколувајќи ја законската процедура.

Ф.А. (63), која била згрижувач на деца, воспоставувала контакти со заинтересирани лица, додека Ѓ.К. (57) посредувала во наоѓање биолошки родители кои се наоѓале во тешка материјална и социјална состојба, со цел да се изведе предавање на новороденчиња надвор од институционална постапка.

Како што утврдуваат органите на прогонот, во конкретниот случај била вклучена и С.Ј. (35) од Куманово, која живеела во вонбрачна заедница со И.А. (38) од Тетово. Тие, според пријавата, биле убедени да го предадат своето новородено бебе во замена за 500 евра и бесплатни гинеколошки услуги.

По отпуст од болница, мајката и бебето биле преземени од Ф.А. (63) и однесени во домот на посредниците, каде подоцна пристигнале И.Ш. (35) и Џ.Ш. (35), кои се појавиле во улога на „посвоители“ и го презеле бебето.

Истата вечер, на 17.10.2025 година, бил склучен и договор за заем од 500 евра помеѓу Џ.Ш. (35) како заемодавач и И.А. (38) како заемопримач, средства кои веднаш биле исплатени и, според истрагата, претставувале надомест за незаконското предавање на детето.

Од страна на судија на претходна постапка на сите шест осомничени им е определена мерка домашен притвор, додека истрагата за целосно расчистување на случајот продолжува.

The post ЈА УБЕДИЛЕ ДА ГО ПРОДАЛЕ БЕБЕТО ЗА 500 ЕВРА Шестмина осомничени за трговија со дете, откриена шокантна шема appeared first on plusinfo.mk.