Иранското Министерство за надворешни работи најостро ги осуди ноќните американски воздушни напади врз Техеран, оценувајќи дека тие го направиле договорот за прекин на огнот „практично бесмислен“.„Нелегалните и криминални напади на САД во изминатите неколку часа не само што претставуваат флагрантно кршење на Повелбата на Обединетите нации и основните принципи на меѓународното право за почитување на националниот суверенитет и територијалниот интегритет на државите, туку и примирјето постигнато на 8 април го направија практично бесмислено“, се наведува во соопштението на Министерството, пренесено од иранските медиуми.Техеран оцени дека најновите американски напади дополнително ја продлабочуваат кризата и ја поткопуваат секоја можност за деескалација на конфликтот.Реакцијата на Иран доаѓа по новиот бран воздушни удари што американските сили ги извршија врз цели во Иран, во услови на зголемени тензии и меѓусебни напади меѓу двете земји.Со ова, иднината на примирјето договорено на 8 април останува неизвесна, додека меѓународната заедница сè погласно повикува на воздржаност и враќање на дипломатските преговори.