Од денеска, горивата се продаваат по нови повисоки цени. Според одлуката на Регулаторната комисија за енергетика (РКЕ), бензините поскапуваат за три денари, а дизелот се продава по цена што е повисока за шест денари.
Бензинот „Еуросупер БС-95“ чини 90 денари, цената на „Еуросупер БС-98“ ќе биде 92 денари, а литар дизел се продава за 94 денари за литар.
Зголемена цена има и екстралесното масло кое поскапува за седум денари и од полноќ се продава за 93 денари.
За 3,205 денари за килограм се зголемува малопродажната цена на мазутот и изнесува 45,373 денари.
Владата на вчерашната седница донесе одлука за намалување на акцизите на бензините и дизел-горивото, со цел да се ублажат последиците од растот на цените на нафтените деривати на светските пазари и да се заштити животниот стандард на граѓаните.
Оттаму велат дека евидентен е висок просек на котациите на суровата нафта и нафтените деривати на светските пазари, но дека будно ја следат состојбата. Амортизирањето, всушност значи зголемување на малопродажната цена на бензините од околу 3 денари по литар и за околу 6 денари за дизел-горивата, наместо повеќе.
