Членовите на Европската фудбалска асоцијација (УЕФА) ќе одржат итен состанок подоцна оваа недела за да разговараат за контроверзните предлози на Меѓународната федерација на фудбалски здруженија (ФИФА) за продажба на акции во нејзините главни натпреварувања, објави денес Би-Би-Си.
Сите 55 членки на УЕФА ќе одржат состанок преку видеоконференција и тоа ќе биде можност да се договори понатамошен план, а би било изненадувачки ако состанокот барем не го покрене прашањето за можноста за бојкот.
Би-Би-Си потсетува дека ФИФА објави дека сака да основа нова комерцијална подружница за управување со своите главни натпреварувања, вклучувајќи го и Светското првенство, а на надворешните инвеститори ќе им биде дозволено да купуваат акции во таа компанија.
Ова предизвика загриженост дека приватните инвеститори ќе добијат премногу влијание врз овие натпреварувања, иако ФИФА тврди дека ова ќе обезбеди повеќе пари за распределба на фудбалските здруженија низ целиот свет.
УЕФА го осуди предлогот, велејќи дека „ја преминал линијата“.
Членовите на УЕФА сочинуваат само дел од 211-те членки на ФИФА, но нејзините здруженија произведуваат некои од најдобрите национални тимови во светот.
„УЕФА е свесна дека секое натпреварување што го организира ФИФА би било од значително помала вредност доколку нејзините членови не учествуваат“, објави Би-Би-Си.
Текстот ФИФА го продава Светското првенство на приватни компании, Европа се подготвува за бојкот е превземен од А1он.