На фотографиите што ги објави на Инстаграм, Дуа Липа позира во црн фустан со чипкани детали и корсетен горен дел. Под него носи црна долна облека, а преку фустанот префрлила долг, впечатлив капут од вештачко крзно. Изгледот го надополнила со ѓердан со голем црн крст, темен кармин и пуштена коса.
Иако станува збор за костим за Халовин, нејзиниот избор се вклопува во неколку актуелни модни трендови – проѕирни материјали, чипка, долна облека како дел од стајлингот и готска романтика. Според модните профили на социјалните мрежи, фустанот е од колекцијата есен/зима 2026 на брендот „Лу де Бетоли“, додека ѓерданот со крст е винтиџ парче на „Гучи“ од колекцијата есен/зима 2002 година.
За разлика од сопругата, Калум Тарнер избрал поедноставна комбинација во неутрални тонови, но со впечатлив детаљ – маска на кловн инспирирана од видеоиграта „Payday“. Двојката вечерта ја поминала со пријатели, а пред да заминат на забавата уживале во заедничка вечера и пијалак.
– Кога костимот за Халовин ќе го составиш пет минути пред да излезеш од дома – напиша Дуа покрај фотографиите.
View this post on Instagram
Нивното заедничко појавување доаѓа во период кога сè погласни се шпекулациите дека Тарнер би можел да стане новиот Џејмс Бонд. Според пишувањата на британските медиуми, актерот е меѓу кандидатите за улогата на агентот 007, кого последен го играше Даниел Крег.
Дуа Липа и Калум Тарнер се заедно од почетокот на 2024 година. Пејачката ја потврди свршувачката во јуни 2025 година, а се венчаа на 31 мај 2026 година на интимна церемонија во Лондон. Неколку дена подоцна организираа и раскошна свадбена прослава на Сицилија.
The post ДУА ЛИПА ОБЈАВИ ФОТОГРАФИИ ОД ПРОСЛАВАТА НА ХАЛОВИН Пејачката во целосно проѕирен фустан и издание кое го смислила во последен миг appeared first on plusinfo.mk.