Нападот врз танкер во Ормускиот теснец ја принуди екипажот да го напушти бродот, додека Иран ги продолжува нападите врз трговските бродови во тој стратешки важен пловен пат, соопштија денеска британските и американските власти.
Британскиот Центар за поморски трговски операции (UKMTO) соопшти дека танкерот бил нападнат во близина на брегот на Оман.
Иранската Револуционерна гарда презеде одговорност за тој напад, како и за уште два напади врз бродови изведени претходниот ден, пренесува AP.
Американската Централна Команда (CENTCOM) соопшти дека американските сили до вторник пренасочиле осум трговски бродови и онеспособиле едно пловило со цел спроведување блокада во Ормускиот теснец.
Според наводите на американски официјален претставник кој зборуваше за AP под услов да остане анонимен, бројот на ранетите припадници на американските сили во судирот со Иран надмина 500, што е повеќе од официјално објавениот број од 482 повредени војници.