Според излезните анкети во Приштина, на денешните предвремени избори за собранието на привремените институции на Приштина, Движењето Самоопределување освои околу 43 проценти од гласовите.
Според овие анкети, Демократската партија на Косово (ПДК) освои околу 22 проценти од гласовите, Демократската лига на Косово (ЛДК) околу 18 проценти, а Алијансата за иднината на Косово (АБК) околу седум проценти од гласовите.
На изборите во декември минатата година, Самоопределување освои 57 места, ПДК 22, ЛДК 15, а АБК шест места.