Реформите спроведени во јавната администрација во изминатите две години се насочени кон создавање попрофесионални, поефикасни и поодговорни институции, соопшти ВМРО-ДПМНЕ.
Од партијата посочуваат дека еден од најзначајните чекори е донесувањето на Законот за високи раководители. Со него се воспоставува единствен модел за пополнување на највисоките раководни позиции преку јавни огласи и однапред утврдени критериуми.
Според новиот систем, при изборот треба да се вреднуваат стручноста, компетенциите и професионалното искуство на кандидатите. Предвидени се и механизми за следење на работата на раководителите, како и поголема одговорност за постигнатите резултати.
Значаен дел од реформскиот процес е посветен и на стручното усовршување на вработените. Академијата за јавна администрација е задолжена за спроведување на обуките, додека со модернизацијата на Центарот за обука е овозможен пристап до современа електронска платформа за учење. Досега, според партиското соопштение, низ програмите за обука поминале повеќе од 1.000 административни службеници.
Паралелно се работи на подобрување на управувањето со човечките ресурси, зголемување на транспарентноста и пошироко вклучување на јавноста во процесот на подготовка на законските решенија.
Од ВМРО-ДПМНЕ оценуваат дека целта на овие промени е да се изгради администрација во која знаењето и стручноста ќе имаат предност, а институциите ќе им обезбедуваат побрзи и поквалитетни услуги на граѓаните.
Реформите ќе продолжат и во следниот период, со фокус врз натамошна дигитализација, професионализација на службите и зајакнување на одговорноста во институциите, се наведува во соопштението.The post АДМИНИСТРАЦИЈАТА ВЛЕГУВА ВО НОВА ЕРА: Раководители по заслуга, обуки за службениците и услуги на еден клик! appeared first on Politika.
